Hæhæ, já nú er ég einhverra hluta vegna svona bloggstuði og ákvað að henda inn smá svona pistli eða svoleiðis.

Ég var nú í þessum töluðu orðum að koma af hörkuspennandi blakmóti sem var verið að halda hér á Laugum. Við Fjallbúar sendum að sjálfsögðu lið í keppnina og ekki var það af verri endanum, þar voru ég, Siggi, Einar, Tinna, Andri, Andrea, Óli Jón og Anna Signý. Við byrjuðum á að keppa við greyi utanvistar/gamla, þau einfaldlega sáu aldrei til sólar og stóðum við uppi sem sigurvegarar.
Síðan voru það helv....djöf......ands.... elsku starfsfólkið, þau voru bara ansi góð og rétt náðu að merja fram sigur með Kristján kokk, Baldvin reddara og Gvend stórbónda í hörkustuði.
Við kepptum við dvergana á Dverg um þriðja sætið og náðum að kreista fram sigur þar, utanvistar/Gamli og Trölli neðri kepptu um fimmta og unnu u/G það með glæsibrag en úrslitaleikurinn var á milli starfsfólks og Trölla uppi, þar kom ný stórstjarna í ljós en Kristján kokkur setti ein 15 stig eða svo í röð, allt úr uppgjöfum en Tröllaliðið einfaldlega léilegt og töpuðu með sirka 20 stigum og leikurinn er uppí 21, soldið spes. 

Laugaskóli er að fara í ferðalag á Laugarvatn um helgina og eigum eflaust eftir að skemmta okkur konunglega þar í allskonar vitleysu, sagan af því kemur seinna.... eeeeeen það var vetrafrí sem ég minntist aðeins á í síðasta bloggi, það hófst þriðjudaginn 16.okt hjá mér en flestir voru töluvert lengur, svona er að kunna á kerfið, hehe, en skólinn byrjaði svo aftur bara núna 29.okt þannig að ég var nánast í tveggja vikna fríi.
Í fríinu fór ég til Reykjavíkur og gerði margt og mikið þar, spilaði mikið pool heima hjá Fannari , Tinnu  og Sigrúnu en ég gisti hjá þeim downtown sem var mjög þægilegt, þá var minnsta mál að fara niðrí bæ og enn minna mál að koma sér heim en hið ótrúlega gerðist, ég náði aðeins að rata í Reykjavík, það er ekki eitthvað sem gerist oft, eiginlega aldrei. En þetta var fínasta skemmtun þessi ferð og náði ég að neyta töluvers magns af áfengi sem var alveg ljómandi fínt, síðan fór ég heim á sunnudaginn og fór í það að bóndast það sem eftir var af fríinu sem var bara ágætt. 

En ég ætla að segja þetta gott í bili og koma kannski með ferðasöguna einhverntíman í framtíðinni ef ég verð ekki búinn að gleyma henni þegar ég blogga næst. 

Bæjó  

Nú er frí í skólanum sem er bara alveg ágætt og er..........æææjjjiiiivvvvváááááá ég nenni ekki að blogga núna, geri það kannski einhverntíman seinna en samt ekki búast við því....

Adios amigos

Jæja ég ákvað að gefa þessari síðu annan séns og prófa að skella inn einu bloggi, nú er semsagt skólinn kominn á fullt og nóg að gera, þetta vinnustofukerfi er bara farið að verða alveg ágætt og ætti maður að fara létt með að útskrifast um áramótin held ég, svo er bara að finna eitthvað sniðugt að gera eftir áramótin, hmmmm það kemur í ljós, seinnitímavandamál. 
Það var agalegt fyllerí á mörgum Lauganemum um helgina en við tókum bústað og fjölmenntum við þangað og var það bara mjög gaman
OLEEE OLE OLE OLE hehe
Ég náði að snúa mig á helvítis ökklanum um síðustu helgi þegar ég var að elta rollur og flaug á hausinn og voðavoða vont, alls ekki nógu gott en þá er mjög gott að vera með þessa ágætu tölvu, hún stittir manni stundir og ég held að það hefði verið vesen að vera á Laugum ef ég hefði ekki fengið hana, þetta er orðið svo mikill svona tölvuskóli.
Nú eru miklar hamingjustundir hjá okkur Arsenalmönnum en við erum efstir í deildinni og orðnir að næst ríkasta fótboltafélagi í heimi sem er mjög jákvætt, svo er bara að vona að strákarnir nái að halda þessu ágæta gengi áfram og rústa hinum áhugamannafélögunum þarna í úrvalsdeildinni.
En ég ætla að láta þetta nægja í bili og bið bara að heilsa ykkur!!!

Jæja nú hljótið þið að hafa fattað það að mér finnst leiðinlegt að blogga, en það er held ég aðalástæðan fyrir þessari mjög svo döpru síðu minni.
Skólinn er byrjaður, fyrir löngu síðan meira að segja og er það bara alveg ágætt, nú situr maður alltaf bara alveg pollrólegur í vinnustofu og bara lætur hugann reika um lífið og veginn, en já Laugar byrjuðu miðvikudaginn 29. ágúst og var okkur strax tilkynnt það að busunin yrði breytt, svo komumst við að því að henni var mjög mikið breytt og ekki til hins betra finnst mér allavega en það mátti voða lítið gera og endaði allt gamanið með því að allir fengu rós, hljómar ekki vel þannig að ég segi ekki meira frá því en Fanney var í skólanum fyrstu daganaog svo kom Jói Hrannzi í heimsókn sem var allt voða gaman.
Nú er maður kominn með tölvu sem er bara voða fínt, fékk reyndar gallaða tölvu fyrst sem bilaði eftir þrjá daga held ég en fékk svo aðra nýja sem gengur alveg ljómandi vel, en hérna, ekki búast við að ég bloggi oftar þótt að ég sé kominn með tölvu, þetta er bara svo drepleiðinlegt finnst mér.
Ég er búinn að komast að því að það er alveg svakalega gaman að spila golf í myrkri, en ég, Jonni, Lárus, Hjalti og Svavar komumst að því í vikunni að við erum miklu betri í svona myrkragolfi, þá fer alveg skemmtilega langur tími í það að leita að kúlunni, en við fórum á golfvöllinn rosalega í Mývatnssveit eftir að Völsungsstelpurnar létu valta yfir sig í fótbolta, við fórum svona um sjöleitið í golf og ætluðum að klára hringinn en við komumst á þriðju holu og þá vorum við hættir að sjá kylfurnar sem við héldum á þannig að við tökum bara  rematch einn góðan veðurdag.
Ég stóð undir nafni um helgina og smalaði alveg villt og galið og öskraði úr mér raddböndin um leið þegar helvítis hundurinn nennti ekki að sinna sínu starfi og þá satt að segja varð ég reiður, en það  kemur nú ekkert svo oft fyrir, þetta var allavega alveg drulluerfið helgi þar sem ég svitna nánast af því að labba í skólann, svo léilegt er formið. Komið gott.

Verið þið sæl og blessuð í bili 

Nú er alveg orðið soldið síðan ég skrifaði eitthvað hérna síðast þannig að ég ætti að hafa frá einhverju að segja og það er bara ótrúlega margt sem ég hef frá að segja, finnst mér allavega, nú ætla ég að segja frá því sem ég hef að segja.
Hér er það sem ég ætla að segja.
Nú kemur það sem ég ætla að segja.
Ég ætla að segja það.

Um verslunarmannahelgina fór ég til Danmerkur með fjölskyldunni en pabbi gamli var að ná fimmtugsaldrinum, flugið var alveg jafn ömurlegt og ég bjóst við enda þoli ég hvorki flugvelli né að fljúga, allavega ekki sem farþegi en gæti trúað að það sé fínt að fljúga flugvél, það er allt annað mál. Síðan komum við okkur í íbúðina sem við vorum í en við vorum næstum því við hliðina á drottningunni, íbúðin var mjög fín og svalir þar sem hægt var að sötra Tuborg og reykja vindla, sem ég gerði. Ég labbaði svona sirka 50 sinnum upp strikið og álíka oft niður það sem var að verða erfitt á endanum, síðan komu Elva og Bjarni(frændfólk) og við fórum í siglingu við Nyhavn og svo í Tivoli og allt voða gaman, svo daginn eftir fórum við í Christianiu sem var voða spes að sjá og bara líka voða gaman, soldið skrítin lykt í loftinu en fólkið er ábyggilega búið að venjast henni bara þarna.
Síðan fórum við á  Rolling Stones tónleika á sunnudeginum sem var alveg geggjað, Keith Richards fór í nýjar víddir í að vera svalur og Mick Jagger er í svo margfalt betra formi en ég læt mig dreyma um að ná og svo voru sprengingar og eldur og ljósashow og allur pakkinn bara.
Svo komu systkyni pabba og mágar þeirra á mánudaginn og fórum við á voða fínan veitingastað og átum þar eins og svín, ég man að hafa fengið mér fiskisúpu í forrétt en meira man ég ekki af kvöldinu, veit ekki alveg af hverju en heilsan var allavega ekkert of góð daginn eftir, veit ekki heldur af hverju það var.
Semsagt mjög fín Danmerkurferð og síðan tók vinnan við heima á klakanum og vann ég eins og ég mögulega gat þangað til síðast fimmtudag, þá átti ég afmæli og var tvítugur, takk fyrir það.
Á föstudaginn fór ég á Laugar og hitti þar Lárus og Konna eldhressa í Laugabæ að háma í sig eitthvað kjet. Við fórum á Akureyri og versluðum þar allar helstu nauðsynjavörur en við vorum á leið í útileigu í Ásbyrgi.
Þar drukkum við bjór, grilluðum kjöt, hamborgara og pylsur, spiluðum golf og krikket, tefldum drykkjuskák þar sem heilu flöskurnar kláruðust á mettíma held ég, spjölluðum við eitthvað fólk, spiluðum meira golf, fórum í sund, horfðum á fótboltaleik í sjoppunni, rifumst um hvern okkar stelpan í sjoppunni var alltaf að horfa á en ég held hún hafi verið að horfa á mig, og síðan fórum við heim á mánudaginn, góð helgi.
Bæ

Sit heima og læt mér leiðast, hef ekkert að gera sko.
Ég var alveg ægilega duglegur þessa helgi og vann hana alla eins og ég mögulega gat, fór aðeins á rúntinn með Frissa og Fannar á föstudaginn en annars gerði ég bara ekki neitt.
Um síðustu helgi fór ég á Lunga bæði á föstudaginn og laugardaginn, það var alveg voða fínt, hörkutónleikar bæði kvöldin. Á föstudaginn spiluðu Tony the Pony, Without the Balls, Elisium, Miri, Foreign Monkeys og Lada Sport, síðan á laugardaginn voru það Bloodgroup, Skátar, Jeff Who?, Mínus og Trabant og voru flest bönd bara alveg geggjuð.
Hef ekkert merkilegt að segja frá dögunum á milli helganna, bara vinna og þannig dót.
Annars er mig farið að hlakka mikið til Danmerkurferðar en við förum á föstudaginn og komum aftur á þriðjudag, held að Rolling Stones tónleikarnir séu á sunnudaginn þannig að þetta verður bara gaman. Bjórinn ódýr, spáð rignungu held ég og allt eins og það á að vera.
Henti inn nokkrum myndum frá Krítarferð fyrir ári þannig að Kýpurmyndir koma bara á næsta ári.
En hvernig er þetta að verða, þarf maður að fara að kaupa sér byssu til að vera þokkalega öruggur þarna fyrir sunna, maður vissi nú að heimurinn væri að fara til fjandans en ég hélt alltaf að Ísland mundi sleppa. Veit ekki meir.
Bæ

Nú er aldeilis mikið og ekki neitt búið að gerast síðan síðast, ég ákvað að skella mér á Írska daga á Akranesi, ekki síðustu helgi heldur hina helgina. Fór á föstudagskvöldið á Akureyri og fór að leika við Nínu  en Tinna var í einhverri fílu og vildi ekki leika, þóttist vera að vinna.

Síðan lagði ég af stað í bítið eða fljótlega eftir hádegi og brunaði á Skagann, sendi Nínu reyndar fyrst í ríkið, hún er orðin svo skemmtilega gömul, hehe.
Ferðin var frekar erfið af því að ég þutfti stundum að hlusta á glamrið í bjórnum og var alvarlega að spá í að stoppa á miðri Holtavörðuheiðinni og leggjast í aftursætið og hella duglega í mig en eins skynsamur og ég nú er ákvað ég að koma mér fyrst á leiðarenda sem jú tókst á endanum og þá loksins sigraði ég bjórflöskurnar.

Um kvöldið var svona ljómandi gaman, eins og ég vissi þá voru allir þarna, reyndar voða fáir sem ég þekkti en samt allir. Fylleríið byrjaði á vistinni og var fljótlega haldið á Lopapeysuballið þar sem Raggi Barna, Bubbi og Buff spiluðu af lífs og sálar kröftum. Við misstum af Ragga Bjarna, man eftir að hafa heyrt einhver Bubbalög en sá kappann samt ekki en náði svo smá af Buffinu og var það bara nokkuð ágætt.

Síðan kom þessi týpíska vinnuvika og endaði hún á tónleikum með Dúndurfréttum í Valaskjálf og Buffballi kvöldið eftir sem var bæði alveg bara merkilega gaman.

Svo er það bara Köben um versló, og Rolling Stones á Parken 5.ágúst,  pabbi gamli að verða fimmtugur.

En núna nenni ég ómögulega að skrifa meira þannig að verið þið sæl!!!!

Var að enda við einn kaldan Víking og mikið neftóbak með Óla í Merki þannig að mér fannst algjör tími á smá blogg. En já nú er komið að því, Írskir dagar á Akranesi eru að renna af stað og þar er lofað besta balli ársins þannig að það er nánast nauðsynlegt að kíkja á þann pakka og ætli maður hitti ekki hann Jón Ben þar einhversstaðar ælandi í tjaldi, jú gæti trúað því. Eru ekki annars allir að fara þangað, það frétti ég og ekki lýg ég gott fólk, það er nokkuð víst. Annars held ég að ég fari að sofa núna, nenni ekki að vera þunnur á morgun í vinnunni þannig að við bara sjáumst á Skaganum.

Nú er ég aftur kominn í sveitasæluna á Surtsstöðum en ég var í Reykjavíkurhreppi síðustu 2 daga og fórum við Fanney þar á tónleika eða dansleik eins og Óli í Merki vill frekar kalla það, þar spiluðu Dúndurfréttir og Sinfó The Wall, stórgóðir tónleikar.  
Lárus var einkabílstjórinn minn og keyrði mig útum allt sem var gott afþví að hann var á engum öðrum en Ella Mý. Daginn eftir lék ég við Fanney, síðan fór hún að vinna og þá fór ég að leika við Lárus og við fórum með Jonna á Shrek 3, síðan fóru ég og Lárus að drekka bjór og horfa á Jackass. The End.
Annars er bara vinna á morgun og svona.
Bæ

Já góðan daginn, ég er hér staddur í Frissabúð að gæða mér á gómsætri langloku,
er semsagt í mat, geggjuð máltíð. Annars hef ég gert mjög lítið síðan ég kom frá
Kýpur, skrítið það eru meira en tvær vikur síðan við komum heim og ég er búinn að drekka 4 bjóra, held að það sé persónulegt met í að vera slappur í drykkju.
Henry farinn, sem er slæmt og ég er farinn að vinna.
Bæ